Нэдиэлэ чэрчитинэн араас тэрээһиннэр ыытылыннылар. Бары кылаастар нэдиэлэ устата ол тэрээһиннэргэ кыттан "мифчит" диэн валюта хомуйдулар, нэдиэлэ бүтэһигэр мунньубут валюталарынан аукциоҥҥа кытталлар. Быйыл 11-с төгүлүн 5-6 кылаастарга педагогическай үлэ бэтэрээнэ М.З. Федорова аатынан дьиэ кэргэнинэн олимпиада ыытылынна. Хомойуох иһин төрөппүттэр дьиэттэн олорон кытыннылар, барыта 17 ыал кытыннылар, ол иһигэр 3 оҕо аҕаларынаан. Олимпиада учредителлэринэн математика учууталлара, Марфа Захаровна сиэн балта техническэй наука кандидата Федорова Г. Д. сылын аайы буолаллар. 4 ыал тэҥ баллананнар 1-4 миэстэлэри ыллылар: Захаров Денис ийэтинэнээн Марфа Дмитриевналыын, Трифонов Кеша ийэтинээн Сардана Семеновналыын, Артемьев Тит ийэтинээн Сарана Бимбаевналыын, Захаров Миша ийэтинээн Марфа Дмитриевналыын. Нэдиэлэ чэрчитинэн МО учууталлара аһаҕас уруоктары, интернат воспитателлэрэ аһаҕас иитэр чаас занятиетын ыыттылар. 2.03 улуустааҕы "Дьоҕур" фестивальга КМО хамаандаларынан кыттыыны ыллылар. Оскуолабыт чиэһин 6-с кылаастарга Захаров Миша, Трифонов Кеша, 7-с кылаастарга Неустроев Коля, 8-с кылаастарга Артемьев Володя, Винокуров Сайдам, Иванов Данил көмүскээтилэр, кинилэри кытта Матта орто оскуолатын 4 үөрэнээччилэрэ. Олимпиадалар түмүктэринэн Трифонов Кеша - 3 м., оттон бойдар түмүктэринэн 8 кылаас хамаандата 3м ылан, бэрт ситиһиилээхтик оонньоотулар. Тэрээһин барыта зуум площадкаҕа ыытылынна. Фестиваль түмүгүнэн, Трифонов Кеша резервэҕэ, Винокуров Сайдам сүрүн хамаандаҕа киирэн региоҥҥа куоталаһар буоллулар. Методобъединение көҕүлээн 3.03 оскуолабытыгар "Опыт, перспективы, инновации" педагогическай ааҕыылар ыытылыннылар. Барыта 16 учуутал бэйэлэрин рпыттарын кэпсээтилэр, кыайыылаахтар дипломнарынан бэлиэтэннилэр. Нэдиэлэ бүтэһигэр "Билии аукционунан" түмүктэннэ, нэдиэлэ устата хомуйбут мифчиттэринэн оҕолор араас кылаас олоҕор туһалаах маллары атыыластылар.