Ийэ тыл, сурук-бичик күнүн көрсө оскуолабыт иһинэн араас тэрээһиннэргэ көхтөөхтүк кытынныбыт. Нэдиэлэ устата аттарыллан ыытыллыбыт сахалыы суруйууга, хоһоон ааҕыытыгар, ТОК оонньууга, "ийэбинээн ааҕабын" видеоролик көрүүтүгэр түмүктэр таҕыстылар:

Алын кылаастарга "бастыҥ буочар" анал аатынан бастыкы кылаастан Сотникова Таня, иккис кылаастан Лукинова Алгыстаана, үһүс кылаастан Трифонова Лилиана, төрдүс кылаастан Мохначевскай Айсен бэлиэтэннилэр.

Орто сүһүөххэ үөрэнэр оҕолор тэйиччиттэн олорон уонна үрдүкү кылаастар уруок кэмигэр сахалыы дьыктааны суруйан: бэһистэн Захаров Денис, алтыстан Трифонов Кеша, сэттистэн Свинобоева Кристина, ахсыстан Винокуров Сайдам, тохсустан Неустроева Маша, онустан Скрябина Сандаара, уон бииристэн Кычкин Петя бастыҥ суруксут бэлиэ суругу туттулар.

Итини сэргэ "Ийэбинээн ааҕабын" диэн Амма Аччыгыйа Сааскы кэм айымньытыттан быһа тардан ааҕыыга Денис, Марфа Дмитриевна Захаровтар, Тит, Сарана Бимбаевна Артемьевтар, Надя, Ньургуяна Ивановна Стручковтар, Милана, Мария Ивановна Макаровтар сүрдээх үчүгэйдик кытыннылар. Ону кытта үгэс курдук улахан кылаастарга ыытыллыбыт ТОК оонньууга 11 кылаастар бастакы миэстэ, тохсустар иккис миэстэ, онустар үһүс миэстэ буоллулар.

Ийэ тылбытыгар анаммыт тэрээһиннэри түмүктүүр линейкаҕа Алгыс эттибит, хомуспут тыаһа дьүрүһүйдэ, оһуокайдаан аастыбыт.