Ааспыт нэдиэлэҕэ оскуолабытыгар Байанай ыйыгар аналлаах тэрээһин сэргэхтик буолан ааста. Сарсыарда линейкаҕа бу ый сиэрин-туомун, аналын билистибит, хомус тыаһынан доҕуһуоллаах алгыс тылынан арчыланныбыт. Күн иккис аҥарыгар, үөрэх кэнниттэн үөрэнээччилэр төрөппүттэрбит көмөлөрүнэн булт уонна идэһэ аһыттан араас бүлүүдэлэри астаан сандалы хотойорунан дэлэй астаах быыстапканы туруордубут, ону таһынан кылаастар икки ардыларыгар хомуур хабылык күрэҕэр илин кэлин түһүстүбүт.