Новости недели

14.12.2021

Ааспыт нэдиэлэ сонуннара:

1) Үөрэнээччилэр ортолоругар тэриллибит Бүтүн Россиятааҕы олимпиада улууска ыытыллар этаба бүтэн, түмүктэр биллэн эрэллэр: Биһиги оскуолабытыттан математика олимпиадатыгар Денис Захаров, учуутала Галина Дмитрьевна, бастакы миэстэ, уолаттарга технология олимпиадатыгар 8 кылаастан Сережа Мохначевскай, 11 кылаастан Ким Иванов үһүс миэстэни ыллылар, учууталлара Игорь Ильич, итиэннэ история олимпиадатыгар, учуутал Иван Николаевич, ахсыс кылаастан Володя Артемьев иккис, Данил Иванов  3 миэстэҕэ тахсан салайааччыларын,  бары учууталларбытын үөртүлэр. Олимпиада түмүктэрэ өссө да ситэ биллэ иликтэр.
2) Сылын аайы ыытыллар, үөрэнээччи көрдүүр, чинчийэр үлэтин көҕүлүүр көдьүүстээх Инникигэ хардыы научнай-практическай кэмпириэнсийэ улуустааҕы түһүмэҕэ бу сылга кэтэхтэн ыытылынна. Биһиги оскуолаттан киирбит үлэлэри эксперт сыаналаан маннык түмүгү таһаарда: Яна Ильинична салайыытынан 10 кылаас үөрэнээччитэ Говорова Намина «Медицина» секциятыгар 3 степеннээх дипломунан, Габышев Эрсан «Иностранные языки» секция5а 2 степеннээх дипломунан, Винокуров Сайдам «Математика» секциятыгар туоһу суругунан бэлиэтннэ, салайааччыта Габышева Светлана Антоновна.
3) Өссө биир үөрүүлээх сонуммутунан оскуола выпускниктара - 11 кылаас үөрэнээччилэрэ судаарыстыбаннай биир кэлим эксээмэҥҥэ киирэр тургутууну - өйтөн суруйууну- этэҥҥэ ааһан 100% туттардылар, иннилэрин диэки сыал-сорук туруорунан үлэлэһэр санаалара күүһүрдэ.
4) 2021 сыл Россияҕа наука уонна технология сылынан биллэриллэн турар, бу чэрчитинэн араас тэрээһиннэр ыытылыннылар уонна ыытылла да тураллар. Ол курдук ахсынньы 10 күнүгэр научнай эргимтэҕэ уонна общественноска киэҥник биллэр  бөдөҥ учуонай, Уус -Алдан улууһун бочуоттаах гражданина Дмитрий Дмитриевич Петров төрөөбүтэ 100 сааһын көрсө тэриллибит петровскай диктаҥҥа биһиги оскуолабытыттан 8 уонна 9 кылаас үөрэнээччилэрэ көхтөөхтүк кыттан туоһу суругунан бэлиэтэннилэр.
5) биир дойдулаахпыт, сахалартан бастакы Советскай Союз
Геройа 100 сааһын туолар бэлиэ күнүгэр оскуолабытыгар үөрүүлээх линейка тэриллиннэ, кылаас аайы кылаас чаастара тэриллэн хорсун буойун биир дойдулаахпытын ахтан санаан аастыбыт. Итини сэргэ Герой туһунан ырыаны толоруу челленджкэ маҥнайгы кылаас оҕолоро Күннэйэ Николаевна салайыытынан, 8 кылаас уолаттара Василий Иннокентьевич салалтатынан тэрээһиннээхтик кытыннылар. Онтон 9 кылаас үөрэнээччитэ Витя Ноговицын, 5 кылаас үөрэнээччитэ Захаров Денис өрөспүүбүлүкэ иһигэр Геройга анаммыт хоһооннору сахалыы тылынан ааҕыыга 3 миэстэни ыллылар.
6) Бу күннэргэ "Чугдаар-туой, күн оҕото" өрөспүүбүлүкэтээҕи норуот айымньытын бэстибээлигэр оскуолабыт бастакы кылааһын үөрэнээччилэрэ норуот ырыатын толорон 3 степеннээх лауреат, онтон 3 кылаас үөрэнээччилэрэ чабырҕах ааҕан 2 степеннээх лауреат аатын сүктүлэр. Салайааччылар учууталлара Евдокия Михайловна, Алина Гаврильевна уонна фольклор көрүҥнэригэр уһуйааччы Күннэйэ Николаевна
7) Сэтинньи ыйга улуу суруйааччыбыт, лирик поэт Анемподист Иванович Софронов 135 сааһын туолбута. Бу бэлиэ түгэҥҥэ туһаайыллыбыт, суруйааччы хоһооннорун бөлөҕүнэн  уонна биирдиилээн толоруу көрүүтүгэр " Эрчим"уоланнар бөлөхтөрө Тараҕай нэһилиэгин оҕо ускуустубатын оскуолата уонна Алампа аатынан Ытык Күөллээҕи бастакы оскуолата тэрийбит икки күрэххэ кыттаннар бастакы степеннээх лауреат уонна үһүс миэстэ буоллулар, биирдиилээн ааҕыыга 8 кылаас үөрэнээччитэ Богдан Мохначевскай бастакы истиэпэннээх дипломунан уонна кэскиллээх ааҕааччы анал аатынан бэлиэтэннилэр. Салайааччылар Анна Филаретовна уонна Сардаана Степановна

Просмотров всего: , сегодня: Хочу такой сайт

Рейтинг: . Оценили: .

Дата создания: 16.12.2021

Дата обновления: 16.12.2021

Дата публикации: 14.12.2021

Наверх
На сайте используются файлы cookie. Продолжая использование сайта, вы соглашаетесь на обработку своих персональных данных. Подробности об обработке ваших данных — в политике конфиденциальности.

Функционал «Мастер заполнения» недоступен с мобильных устройств.
Пожалуйста, воспользуйтесь персональным компьютером для редактирования информации в «Мастере заполнения».