Бол5ойуҥ! Болҕойуҥ! Михаил Прокопьевич Габышев аатынан орто оскуола сонуннарыҥ ааҕын!

1) Ахсынньы аам даам тымныыта хаайан оскуола бары үөрэнээччилэрэ биир нэдиэлэ тэйиччиттэн олорон үөрэннибит. Төһө да томороон тымныы бохсон дьиэҕэ хаайтардарбыт үтүө, үөрүүлээх түмүктэр кэлэн сарсыҥҥы саҕахха санаабытын салайдылар, ол курдук:

Ахсынньы 16 күнүгэр биир дойдулаахпыт, сахалартан бастакы герой Федор Кузьмич Попов 100 сааһыгар ананар хоһоонноохтук ааҕыы Страницы 22  диэн ааттанан улууспут үрдүкү кылааһын үөрэнээччилэрин ортотугар тэрилиннэ. Бу күрэххэ биһиги оскуолабыт 11 кылааһын үөрэнээччитэ Сергей Сотников бары кыттааччылартан ордон муҥутуур кыайыылаах аатын сүктэ.

2) Сылын аайы тэриллэр Манчаары оҕолоро комплекснай спартакиада чэрчитинэн ыытыллар хабылык, хаамыска түһүмэҕэр биһиги доҕотторбут ситиһиилээхтик кытыннылар. Бэһис кылаастан Милена Михайлова бастакы, Денис Захаров үһүс, сэттис кылаастан  Надя Стручкова төрдүс көрдөрүүлэнэн наадалаах очкону суруннубут. Тренер Иван Николаевич Молуков

3) Оҕо чинчийэр дьоҕурун сайыннарар соруктаах араас ааҕыыларга кэккэ ситиһиилэр күннэтэ эбиллэ тураллар. Бу күннэргэ өрөспүүбүлүкэ түһүлгэтигэр тэриллибит Борисовскай ааҕыыларга онус кылаас үөрэнээччилэрэ Муся Местникова, Намина Говорова зум конференция нөҥүө кыттан бириистээх миэстэҕэ таҕыстылар. Салайааччылар Ангелина Николаевна Говорова, Яна Ильинична Габышева

4) Кырачаан үөрэнээччилэр, алын кылаастан Кустук араас өҥүнэн күрэх кыһыҥҥы оһуор диэн тиэмэлээх уруһуй көрүүтүгэр маҥнайгы кылаастан Анжелика Фадеева, төрдүстэн Нарыйа Ноговицына ситиһиилэннилэр. оҕолор салайааччылар Елена Кимовна Кычкина, Прасковья Ивановна Мохначевская

5) Оскуолабыт биир бэлиэ сонунунан 11 кылаас үөрэнээччилэрэ үрдүк ситиһиилэрэ бэлиэтэнэн улуус баһылыгын уонна Ил Дархан харыйатыгар кыттыыны ыллылар. Ким Иванов спорка ситиһиилэринэн, Айсена Кычкина көхтөөх общественнай үлэтинэн улуус баһылыгын анал стипендиятын үөрүүлээх тэрээһиҥҥэ туттулар. Онтон туйгун үөрэнээччи бастыҥ общественник, спортсмен Петя Кычкин Ил Дархан харыйатыгар оскуола аатыттан талыллан тэйиччиттэн олорон кыттыыны ылла

6) Кэнники сылларга улуус үөрэҕэрии эйгэтин библиотеката иилээн саҕалаан тэрийэр Саамай ааҕар кылаас бырайыак ааҕыы таһымын үрдэтэр соруктаах киэҥ тэрээһини ыытар. Бу сылга үс тургутар үлэни чаҕылхайдык толорон 8 кылаас үөрэнээччилэрэ бары кыттан, 2 миэстэҕэ таҕыстылар.

Ити курдук үтүө ситиһиилээх ааһар сылы түмүктээн орто оскуола үөрэнээччилэрэ, бары учууталлар үгүс үтүмэн былааннаах, инникигэ соруктаах саҥа дьылы көрсөргө бэлэммит